საქმეს აწარმოებდა: ადვოკატი ანი ლომიძე
საქმე ეხებოდა უცხო ქვეყნის მოქალაქისთვის საქართველოში ოჯახის გაერთიანების საფუძველზე ბინადრობის ნებართვის გაცემაზე უარს.
ადმინისტრაციული წარმოების ფარგლებში ეჭვქვეშ დადგა განმცხადებლის ქორწინებისა და ოჯახური ურთიერთობის რეალურობა. ამასთან, ბინადრობის ნებართვის გაცემაზე უარი ფორმალურად ეფუძნებოდა უსაფრთხოებასთან დაკავშირებულ გარემოებებს და მითითებას, რომ განმცხადებლისთვის საქართველოში ცხოვრების უფლების მინიჭება შესაბამის რისკებთან შეიძლებოდა ყოფილიყო დაკავშირებული.
უარის მიღების შემდეგ საქმე სასამართლოში გასაჩივრდა. ჩვენი ბიუროს ადვოკატმა ანი ლომიძემ სასამართლოს წარუდგინა მტკიცებულებები, რომლებიც ადასტურებდა, რომ ქორწინება რეალური იყო, მეუღლეებს შორის არსებობდა ფაქტობრივი ოჯახური ურთიერთობა და ოჯახის გაერთიანების საფუძველზე ბინადრობის ნებართვის მისაღებად კანონმდებლობით გათვალისწინებული წინაპირობები არსებობდა.
ამასთანავე, დაცვის მხარემ ცალკე გააბათილა უსაფრთხოებასთან დაკავშირებული ის გარემოებები, რომლებსაც ადმინისტრაციული ორგანო უარის საფუძვლად უთითებდა. სასამართლოს წინაშე დასაბუთდა, რომ საქმეში არ არსებობდა ისეთი კონკრეტული გარემოებები, რომლებიც ჩვენი კლიენტისთვის საქართველოში ბინადრობის უფლების მინიჭებას რეალურ საფრთხესთან დააკავშირებდა.
სასამართლომ გაიზიარა ჩვენი პოზიცია და სარჩელი დააკმაყოფილა. შედეგად, ადმინისტრაციული ორგანოს უარი დაძლეულ იქნა და ჩვენმა კლიენტმა ოჯახის გაერთიანების საფუძველზე საქართველოში ბინადრობის ნებართვა მიიღო.
საქმეზე კლიენტის ინტერესებს წარმოადგენდა ნემსიწვერიძის საადვოკატო ბიუროს ადვოკატი ანი ლომიძე.
