საქმეს აწარმოებდა: ადვოკატი ანი ლომიძე
საქმე ეხებოდა ბათუმში მშენებარე საცხოვრებელ კორპუსში ბინის შეძენასთან დაკავშირებით დეველოპერული კომპანიისთვის გადახდილი მნიშვნელოვანი ოდენობის თანხის დაბრუნებას.
ჩვენმა კლიენტმა დეველოპერულ კომპანიასთან გააფორმა შეთანხმება მშენებარე კორპუსში ბინის შეძენის მიზნით და პირველადი შენატანის სახით კომპანიას მნიშვნელოვანი თანხა გადაუხადა. მიუხედავად ნაკისრი ვალდებულებისა, მშენებლობა არ განხორციელდა და კომპანიამ ხელშეკრულებით გათვალისწინებული ვალდებულება ვერ შეასრულა.
შექმნილი ვითარებიდან გამომდინარე, ჩვენი კლიენტის სახელით სასამართლოს მივმართეთ და მოვითხოვეთ დეველოპერული კომპანიისთვის გადახდილი თანხის სრულად დაბრუნება. ჩვენი პოზიცია ეფუძნებოდა იმ გარემოებას, რომ კომპანიის მიერ ძირითადი სახელშეკრულებო ვალდებულების შეუსრულებლობის პირობებში კლიენტს აღარ ჰქონდა ვალდებულება დარჩენილიყო სახელშეკრულებო ურთიერთობაში და მას ჰქონდა უკვე გადახდილი თანხის უკან დაბრუნების უფლება.
სასამართლოში წარდგენილი იქნა შესაბამისი მტკიცებულებები, რომლებიც ადასტურებდა როგორც კლიენტის მიერ თანხის გადახდას, ისე დეველოპერული კომპანიის მიერ ნაკისრი ვალდებულების შეუსრულებლობას.
სასამართლომ სრულად გაიზიარა ჩვენი პოზიცია და დააკმაყოფილა მოთხოვნა, რის შედეგადაც დეველოპერულ კომპანიას დაეკისრა ვალდებულება, კლიენტისთვის სრულად დაებრუნებინა ბინის შესაძენად გადახდილი თანხა.
საქმის შედეგად ჩვენი კლიენტის სასარგებლოდ მოხდა დეველოპერული კომპანიისთვის გადახდილი მნიშვნელოვანი თანხის სრულად დაბრუნება.
საქმეზე კლიენტის ინტერესებს წარმოადგენდა ნემსიწვერიძის საადვოკატო ბიუროს ადვოკატი ანი ლომიძე.
